Les cachiparres (Arachnida, Ixodida) n'Asturies: faunística d'un taxon quizaleru na tresmisión de malures
PDF (Español)

Como citar

Melero Cimas, V. X. (2017). Les cachiparres (Arachnida, Ixodida) n’Asturies: faunística d’un taxon quizaleru na tresmisión de malures. Ciencies. Cartafueyos Asturianos De Ciencia Y Teunoloxía, 7(7). Retrieved from https://reunido.uniovi.es/index.php/CCACT/article/view/12416

Resume

Resumen

Les cachiparres o cabarres son un grupu d’aracnidos (Filu Arthropoda, Clas Arachnida, Subclas Acari, Superorde Parasitiformes, Orde Ixodida) hematofagos, parasitos esternos de los vertebraos terrestres y con importancia medica y veterinaria.

 Agrupense en tres families. La familia IXODIDAE o cachiparres reyeres, presenten nel cuerpo un escud de cutícula terria y parasiten a los más de los vertebraos terrestres. La familia ARGASIDAE o cachiparres blandies, carautericense por nun tener escudu dorsal endureciu y por tener les pieces bucales allugaes ventralmente. Parasiten sobre manera páxaros yreptiles. La familia NUTALLIELLIDAE amosa carauteristiques intermedies entre les otres dos families. Nun hai namás qu’un xéneru con una especie nesta familia y esti atópase nel sur del continente africanu.

La distribución cosmopolita de les cachiparres, al igual que’l so ciclu biolóxicu, fai qu’estos artrópodos seyan candidatos perafechiscos para exercer de vectores de patoxenos. Ente les carauteristiques y costumes que desendolquen les cachiparres a favor d’esti tipu de xera alcontramos que:

I. Son pa sacar l’agua del aire que-yos arrodia, lo que fai abondo mas cenciello’l caltenimientu de les poblaciones de cachiparres mesmamente n’habitats estremos.

II. Son pa entrar en diapausa, colo qu’aparen les sos funciones fi sioloxiques naquellos periodos nos que les condiciones meteoroloxiques son desfavoratibles o nos que nun heba, o nun topen, agospiadores afayadizos.

III. Son pa decatase de la presencia de los sos posibles agospiadores pola mor d’un complexu sistema sensorial que-yos fai posible deteutar estimulos como arumes especifi cos, cimblios y cambeos de temperatura.

Munches especies de cachiparres, sobre manerade la familia Ixodidae, pueden alimentase accidentalmente sobro’l ser humanu. Una picadura de cachiparra pue, dende pasar inalvertida, hasta producir estremaos cuadros clinicos como mancadures llocales, reaiciones alerxiques que pueden dar en shock anafi lacticu o mesmamente paralis d’orixe toxicu. Al endefechu, estos aracnidos pueden exercer como vectores na tresmision de malures orixinaes por virus, bacteries y protozoos. Esti ye’l casu de les bacteries del complexu Borrelia burgdorferi sensu lato, axente etioloxicu responsable de la malura de Lyme. (Ver apartau a lo cabero d’esti articulu).

 
PDF (Español)