Política d’archivu dixital
Cola fin d’asegurar la conservación a llargu plazu del so patrimoniu científicu, la revista Lletres Asturianes utiliza una riestra de procedimientos sistemáticos empobinaos a garantizar l’accesibilidá permanente de los oxetos dixitales qu’agospia nos sos sirvidores:
- Establecimientu de copies de seguridá:Dende la revista fáense copies de seguridá periódiques de tolos conteníos dixitales.
- Vixilancia del entornu teunolóxicu: Llévase alantre un siguimientu continuu de la evolución teunolóxica cola fin d’anticipar y xestionar posibles migraciones de formatos o obsolescencia de software.
- Xeneración de metadatos de conservación dixital: Aplíquense estándares de metadatos específicos pa la conservación dixital. Asina, facilítase la xestión y recuperación a llargu plazu de los conteníos.
- Asignación del Digital Onject Identifier (DOI): Cada oxetu dixital publicáu recibe un DOI pa garantizar la so identificación específica y caltenida nel entornu dixital.
- Usu del xestor editorial Open Journal Systems (OJS): La revista emplega la versión 3.3.0.13 d’OJS, un software de códigu abiertu qu’asegura la xestión editorial y la interoperabilidá al traviés de la so compatibilidá col protocolu OAI-PMH (Open Archive Initiative-Protocol for Metadata Harvesting).
Amás de los protocolos yá mentaos, Lletres Asturianes cuenta con un sistema de respaldu electrónicu y conservación del accesu al so conteníu al traviés de la Red de Preservación PKP (PN) pa, asina, garantizar la continuidá del accesu a llargu plazu.
D’esta miente, la revista deposita los sos metadatos en dellos repositorios de calter nacional ya internacional col oxetivu d’asegurar la conservación dixital a llargu plazu. Ente estos repositorios inclúinse Dialnet, el Repositoriu Institucional de la Universidá d’Uviéu (RUO) y REBIUN (Catálogo de la red de bibliotecas universitarias y científicas.
Los archivos que se publiquen nesta plataforma web atópense disponibles en formatos de fácil reproducción. La política de conservación dixital sedrá oxetu de revisión periódica per parte del Serviciu de Publicaciones de la Universidá d’Uviéu p’asegurar la so continua conveniencia y eficacia.