Política sobre l'usu de la intelixencia artificial en Lletres Asturianes

Introducción

La revista Lletres Asturianes comprométese a caltener la integridá académica y la tresparencia na aplicación de la intelixencia artificial (IA). Esta política define les pautes pal usu afayadizu de ferramientes d’IA per parte d’autores, revisores y editores.

Principios fundamentales

Acordies coles indicaciones de la Declaración de COPE y coles bones práutiques científiques:

• La IA nun pue considerase autora al nun tener capacidá p’asumir responsabilidá del conteníu científicu.
• La IA nun pue xestionar conflictos d’interés, derechos d’autor nin tomar decisiones étiques.

Indicaciones p’autores

• Declaración obligatoria: Los autores han declarar de forma esplícita l’usu de cualquier ferramienta d’IA na creación o análisis de los sos manuscritos, inclusive’l software usáu, les sos funciones y les partes del testu onde s’aplicó.
• Responsabilidá de la orixinalidá: Los autores son responsables de la orixinalidá del conteníu, tamién si foi xeneráu o asistíu por IA. El material nun ha d’incumplir los derechos d’autor nin caer nel plaxu.
• Revisión minuciosa: Los autores han revisar y comprobar con procuru y de manera minuciosa’l conteníu xeneráu pola IA pa evitar sesgos, errores o imprecisiones.
• Consecuencies del incumplimientu: L’incumplimientu d’esta política pue resultar na retirada del manuscritu acordies colos procedimientos de la institución editora y col códigu de conducta de COPE.

Posición de COPE. Autoría y ferramientes d’IA:

https://publicationethics.org/guidance/cope-position/authorship-and-ai-tools