Unvios

Unvios

El rexistru y l'entamu de sesión son necesarios pa unviar elementos en llinia y pa comprobar l'estáu de los unvios de recién. Dir a Entamar sesión a una cuenta existente o Rexistrar una nueva cuenta.

Llista de comprobación pa la preparación d'unvios

Como parte del procesu d'unviu, los/les autores tán obligaos/-es a comprobar que'l so unviu cumpla tolos elementos que s'amuesen darréu. Los unvios que nun cumplan estes direutrices tornaránse a los/les autores.
  • Los trabayos, como norma xeneral, tendrán un llargor máximu de 10.000 pallabres (incluyendo’l testu de tables ya ilustraciones).
  • La llingua principal ye l’asturianu, pero podrán asoleyase trabayos escritos n’otres llingües
  • Enantes de la espublización, el Conseyu de Redaición unviará de forma anónima les propuestes d’artículos a dos revisores ayenos al citáu Conseyu, qu’informarán del valir científicu de los mesmos a Lletres Asturianes. Esta revisión ye condición necesaria pa la so aceutación definitiva y fadráse acordies col procesu denomáu «doble ciegu».
  • Lletres Asturianes encargaráse de les correiciones ortográfiques, de puntuación o d’estilu de los trabayos que s’asoleyen. Los autores comprométense a correxir una prueba de testu.
  • Tolos artículos habrán inxertar, obligatoriamente, el títulu y el nome del autor. Pa ello, axuntaráse al artículu’l corréu electrónicu del autor y el númberu d’identificación ORCID. Si l’autor nun dispón d’un númberu d’ORCID, pue consiguilu rexistrándose nesti enllaz: https://orcid.org/register. El trabayu presentáu tamién ha incluyir un resume de, aproximao, 300 pallabres, qu’espeye’l conteníu del artículu, y una llista de pallabres clave d’hasta cinco. Nel borrador final, el resume y les pallabres clave han apaecer n’asturianu, castellanu ya inglés. El títulu tamién ha apaecer n’inglés.

Direutrices p'autores

La presentación gráfica del trabayu ha siguir les normes xenerales d’estilu que se conseñen darréu:

  • El títulu marcaráse con lletra negrino, cuerpu 14; con mayúscula namái al entamu la frase.
  • El corpus principal del testu dirá en lletra redondo, blanco, cuerpu 11 ya interlliniáu cenciellu.
  • Los subtítulos o encabezamientos marcaránse con lletra negrino, cursivo negrino y cursivo blanco, etc. según proceda; con mayúscula namái al entamu.
  • Dientro’l testu les pallabres que quieran destacase marcaránse en lletra cursivo ensin emplegar nunca lletres mayúscules. Les cites testuales conseñaránse, si son curties, dientro’l testu «ente comines»; y ensin comines, en parágrafu aparte, sangraes y en lletra de cuerpu 10 si son llargues.
  • Los étimos, sieglos, acrónimos y sigles marcaránse con lletra mayúscula, desaconseyando, asina, cualesquier usu de les versalines. Les trescripciones fonétiques y fonolóxiques conseñaránse preferiblemente acordies col sistema del AFI (IPA).
  • Los mapes, esquemes o cuadros, en formatu editable o con una resolución mínima de 300 ppp si tán en formatu imaxe, afayaránse no posible al estilu xeneral encamentáu pal testu principal. Habrán dir inxertaos nel llugar que-yos correspuenda dientro’l testu o señalaráse amañosamente ónde han dir asitiaos.
  • Pa les notes a pie de páxina siguiránse estes mesmes indicaciones en lletra de cuerpu 9.
  • Les referencies bibliográfiques, asitiaes a lo cabero’l trabayu, han dir en lletra de cuerpu 9, con sangría francesa de 0,6 cm y d’esti xeitu, según el tipu de testu:

Llibru

Andrés, R. de, Pérez-Toral, M. & García-Álvarez, M.ª T. C. (2021). Papeletas lexico-
gráficas del Padre Galo. Uviéu: Real Instituto de Estudios Asturianos.

Llibru con editor, coordinador o compilador

Terrado, J. & Giralt, J. (Eds.) (2023). Nuevos senderos en la toponimia hispánica. Lleida: Pagès editors.

Capítulu d’un llibru

Bolado, X. (2002). Poesía contemporánea. El Surdimientu. En Ramos-Corrada, M. (Coord.). Historia de la Lliteratura Asturiana, pp. 559-694. Uviéu: Academia de la Llingua Asturiana.

Artículu revista

Galán, I. & Cubero, J. (2015). Nueves aportaciones sobre la figura del Padre Galo: poemes inéditos, reflexones sociollingüístiques y noticies de La Regalina. Revista de Filoloxía Asturiana 15, pp. 145-171.

Ponencia y/o comunicación en congresu, ciclu de conferencies

Rainer, F. (7-9 de payares de 2023). El desarrollo de los sufijos -ĭcius e -īcius en las lenguas románicas [Conferencia]. XLI Xornaes Internacionales d’Estudiu, Academia de la Llingua Asturiana, Universidá d’Uviéu.

Periódicu

Cienfuegos, C. (4 d’abril de 1926). Del bable occidental. Una visita a Fernán-Coronas. Región, p. 105.

Artículu de periódicu dixital

Martínez-Olay, P. (16 de xineru de 2024) De les de verdá. Nortes.

https://www.nortes.me/2024/01/15/de-les-de-verda/

Tesis doctorales, trabayos de grau, trabayos de máster

Iglesias, A. (2022). Textos literarios alemanes dentro del archivo de Fernán Coronas. [Trabayu de Fin de Grau inéditu, Universidá d’Uviéu].

Llexislación

Conseyería de Facienda. Decretu 19/2021, de 16 d’abril, pol que s’aprueben los estatutos de l’Academia de la Llingua Asturiana, Boletín Oficial del Principado de Asturias, del 27 d’abril del 2021.

Películes, documentales

Zemeckis, R. (Dir.) (1994). Forrest Gump [película]. Hollywood: Paramount Pictures.

  • Les cites dientro’l testu, correspondientes a les referencies bibliográfiques, han facese col cuerpu normal de lletra, acordies con esti modelu y teniendo en consideranza que ye preciso conseñar la páxina o les páxines cuando les cites emplegaes son lliterales: (Andrés-Díaz et al., 2021), (Terrado & Giralt, 2023), (Bolado, 2002, pp. 571-572), (Galán & Cubero, 2015, p. 149), (Rainer, 2023) (Cienfuegos, 1926), (Martínez-Olay, 2024), (Iglesias, 2022) (Conseyería de Facienda, 2021) y (Zemeckis, 1994).

La revista Lletres Asturianes ta agospiada en REUNIDO, la plataforma OJS de revistes científiques de la Universidá d’Uviéu. Cola fin de caltener los meyores estándares científicos, los trabayos han d’unviase al traviés de REUNIDO siguiendo l’enllaz que vien darréu:

https://reunido.uniovi.es/index.php/Lletres/about/submissions.

Otra manera, si nun tien perfil na plataforma, pue crealu calcando en:

https://reunido.uniovi.es/index.php/Lletres/user/register

Énte cualesquier dulda que pueda surdir nel procesu d’unviu o rexistru pue contautar con LLAA o l’ALLA na direición de corréu electrónicu edicion@alladixital.org.

 

 Lletres Asturianes

Academia de la Llingua Asturiana

C/ L’Águila 10 – 33003 Uviéu

Apartáu 574 – 33080 Uviéu

publicaciones@academiadelallingua.com

Avisu de derechos d'autor/-ora

Les obres que s’espublicen nesta revista tán suxetes a los términos vinientes:

1. L’Academia de la Llingua Asturiana y el Serviciu de Publicaciones de la Universidá d’Uviéu (les editoriales) caltienen los derechos patrimoniales (copyright) de les obres espublizaes, y favorecen y permiten el so aprovechamientu baxo la mesma llicencia d’usu indicada nel puntu 2.

© ALLA (Academia de la Llingua Asturiana) y Ediuno (Ediciones de la Universidá d’Uviéu).

2. Les obres espublícense na edición electrónica de la revista baxo una llicencia Creative Commons Reconocimientu-NonComercial-EnsinObraDerivada 4.0 España (testu llegal). Puen copiase, usase, espardese, tresmitise y esponese públicamente, siempre que: i) se cite l’autoría y la fonte orixinal de publicación (revista, editorial y URL de la obra); ii) nun s’usen pa fines comerciales; iii) se miente la esistencia y especificaciones d’esta llicencia d’usu.

3. Condiciones d’auto-archivu. Autorízase a los autores l’auto-archivu de los artículos na so versión post-print (versión editorial) en páxines web personales o de la institución, inxiriendo un enllace a la páxina de la revista y poniendo’l mou de citación completu del trabayu. Lletres Asturianes y la so url https://reunido.uniovi.es/... son les úniques fontes autorizaes pa referenciar acordies la versión del editor en toles menciones del artículu.

Amás ha declarase’l respetu polos principios éticos d’investigación y el tar llibre de tou conflictu d’intereses. 

Declaración de privacidá

Los nomes y los emails inxertos nesta revista usaránse esclusivamente pa los fines afitaos nella y nun se darán a terceros nin s’usarán con otros oxetivos.