Resumen
L’Academia de la Llingua Asturiana asoleyaba en 2008 el llibru Fueru de Lleón y Conceyu de Coyanza. Edición facsimilar de dos testos del sieglu XIII na nuesa llingua. Ellí dábense les informaciones que se xulgaben de más interés referentes a la torna que se fexere na Edá Media del testu llatín a la llingua ástur. Nel añu 2017 diose a la imprenta (Lletres Asturianes 117, pp. 207-233) un segundu trabayu complementariu tituláu Forum Legionense & Fueru de Lleón que, amás d’unes observaciones obligaes, inxería’l mesmu testu romance pero enfrentándolu, pa llograr una fácil comparanza, a la versión llatina guardada na Catedral d’Uviéu. Agora, un tiempu dempués, quixéremos concluyir el nuesu cometíu primeru apurriendo la entrega cabera del nuesu trabayu, esto ye, el que contrapón el testu en llatín del Concilium Coiacense col del romance ástur del Conceyu de Coyanza.
Pallabres clave: llingua asturiana, sieglu XIII, Conceyu de Coyanza, traducción medieval.
